الاسئلة الشائعة
هل منتجات نسيج كلها مصنوعة في مصر ؟
ايوه كل منتجات نسيج اتصممت واتصنعت في مصر تحت إشراف كامل من نسيج بعض الاكسسوارات اللي بنستخدمها في عملية صناعة المنتجات مستوردة بس 80% من مكونات المنتج مصنوعة في مصر
جودة الشنطة كويسة وهتعيش معايا ؟
قبل التصميم بنختار كل مكونات الشنطة بدقة سواء الخامه الاساسية او الاكسسوارات مثل ( السوست ، الشرايط ، البطانة الداخلية ) علشان نزود العمر الافتراضي للشنطة وكمان كل اجزاء الشنطة بيتم عمل اختبازات كاملة عليها
لضمان جوده المنتج قبل الوصول للعميل
لو لقيت مشكله في المنتج أو عيب صناعة ممكن استبدل او ارجع المنتج ؟
للعميل الحق في الاستبدال او الاسترجاع للمنتجات في خلال ١٤ يوم من تاريخ استلام الطلب وننصح بمراجعه
صفحة شروط الاستبدال او الاسترجاع
الشحن
هل التوصيل بيكون عن طريق مندوب ام شركة شحن ؟
في معظم الاحوال التوصيل بيكون عن طريق شركة شحن متخصصة في توصيل الطلبات ولكن في بعض الاحيان
المناديب الخاصة بنسيج بتوصل الطلبات .
هل اقدر احدد يوم محدد الاوردر يوصل فيه ؟
للاسف لا ، احنا بنضمن ليك ان الاوردر يوصل في خلال الفتره الزمنية المذكوره انما تحديد توقيت التوصيل بدقة بيكون مع مندوب شركة الشحن اللي بيتواصل معاك قبل التوصيل .
هل هستلم مكالمة من المندوب قبل التوصيل ؟
مندوب شركة الشحن بيتواصل معاك من خلال مكالمه تليفون يوم توصيل الطلب صباحا علشان يتأكد انك موجود في العنوان ويرتب معاك الميعاد المناسب لتوصيل الطلب .
امتي بتكون مواعيد توصيل الطلبات ؟
توصيل الطلبات بيكون في الفترة الصباحية من الساعة ٩ إلي الساعة ٥ مساء ، في خلال الفترة دي المناديب الخاصة بشركات الشحن بيكون معاها عدد كبير من الطلبات علشان توصل الطلبات دي للعملاء في خلال الوقت المذكور.
ممكن الطلب يوصل ليا يوم الجمعة ؟
للاسف لا ، شركات الشحن بتكون اجازه يوم الجمعة ، التوصيل بيكون في خلال ايام العمل من السبت إلي الخميس .
هل ممكن أفتح الشحنة قبل الاستلام ؟
ايوه ، كل الطلبات اللي بتوصل لعملاء نسيج بيكون مضاف اليها ملاحظة ان العميل يقدر يفتح الشحنة قبل الاستلام لضمان سلامة المنتج وان المنتج مطابق تماما للمواصفات اللي هو طلبها من حيث المقاس واللون والموديل .